Paalam Kuya

Paalam Kuya

O kaibigan saan ang iyong tungo?

Bakit aalis at lilisanin na ako?

Kaibigan ko sana ay mag-iingat ka

Kahit saan pa man ang iyong punta

Alalahaning sayo'y may naghihintay

Takip-silim may abutin nitong buhay 

Hanggat may lakas ako ay mag-aabang

Abutin man ng bukas at walang hanggan

Isang dalangin ang pabaon ko sayo

Pagpalain ka nawa sa iyong paghayo

Walang hanggang biyaya ang sumaiyo

Masaganang buhay nawa'y makamtan mo

Kay raming nagbago dito sa buhay ko

Magmula ng ikaw ay nakilala ko

Lumigaya't nagkakulay yaring Mundo

Natutong ngumiti at makihalubilo

Pagpatak ng luha ay pansamantala

Sapagkat tayo'y muling magkikita pa

Mahahagka't di na maghihiwalay pa

Paalam kuya! talagang mam-imiss kita