Ang Puso ni Tanga

Ang Puso ni Tanga

Pilit mang ibaling ang atensiyon sa iba

Ikaw pa rin ang hanap ng pusong tanga

Dulot mo ay parang 'pulang kabayo' na sadyang kakaiba ang tama

Pilit mang limutin, pilit mang lumayo, 

Hindi naman magawang tumakbo

Anong pasikotsikot man ang tahakin ang hantungan ay pabalik pa rin sayo

Pilit mang kumawala, marinig ko lang pangalan mo ako'y nanghihina

Ayan na naman si tanga at laging aligaga

Lahat ay gagawin para sa taong mahal niya

Ngunit di naman pansin ang iyong halaga

Pilit nagpapakaalila samantalang ang isa ay nakatoon ang atensiyon sa iba

Kailan ka ba matututo?

Kailan magigising sa katotohanang kailan man ay di magiging kayo?

Sabi mo di ka umaasa ngunit puso mo'y nangungulila

Hanggang kailan ka magtitiis?

Hanggang kailan ka tatangis?

Hanggang kailan ka mabubuhay sa iyong masamang managinip?

Hanggang kailan magpapanggap na masaya?

Hanggang kailan aasa sa wala?

Kailan masasabi na tunay ngang ika'y malaya?


Created on 20180208-01:50

---

Please Consider liking Ulikba Diaries by NocturnalSaint for updates of our travel adventures, tips and recommendations. Please also consider donating for the maintenance of this website.

 

Follow my social meadia accounts using the handle @NocturnalSaint

www.NocturnalSaint.com

www.BlitheThoughts.com

www.UlikbaDiaries.com